1.港邊惜別
作詞：陳達儒
作曲：吳成家
戀愛夢 被人來拆破 送君離別啊 港風對面寒
真情真愛 父母無開化 不知少年啊 熱情的心肝
自由夢 被人來所害 快樂未透啊 隨時變悲哀
港邊惜別 天星像目屎 傷心今暝啊 欲來分東西
青春夢 被人來打醒 美滿春色啊 變成黑暗天
港邊海鳥 不知阮分離 聲聲句句啊 吟出斷腸詩
2.三聲無奈
作詞：黃國隆
作曲：黃國隆
一時貪著阿君仔美 癡情目睭格眛眛
為君仔假愛來吃虧 害阮目屎四喃垂
二更過了月斜西 想阮那會命即歹
花開專望阿君仔採 無疑僥倖不應該
三聲無奈哭悲哀 月娘敢知阮心內
失戀傷心流目屎 好花變成相思栽
3.我有一句話
作詞：陳達儒
作曲：侯賜泉
我有一句話想要對你表明
我的心肝內為你相思抹清
若是欲求愛恐驚你肯也不肯
想你的人影不時在阮目睭前
我有一句話想要對你講起
想著真歹勢見面講天講地
若是老實講不知受氣無受氣
進退真兩難空思亂想到半暝
我有一句話想要對你參考
不知你心內即久感覺如何
若是有決心希望永久欲相好
請你講一句不免害阮憨憨慒
4.青春嶺
作詞：陳達儒
作曲：蘇桐
雙人行到青春嶺 鳥隻唸歌送人行
溪水清清照人影 天然合奏音樂聲
啊～青春嶺 青春嶺頂自由行
嶺頂春花紅白蕊 歡喜春天放心開
蝴蝶看花開得美 花蜂自由亂亂飛
啊～青春嶺 青春嶺頂自由行
春風微微吹嶺頂 四邊無雲天清清
青春歡喜青春景 春色加添咱愛情
啊～青春嶺 青春嶺頂自由行
5.河邊春夢
作詞：周添旺
作曲：周添旺
(一)河邊春風寒 怎樣阮孤單
舉頭一下看 幸福人做伴
想起伊對我 實在是相瞞
到底是按怎 不知阮心肝
(二)昔日在河邊 遊賞彼當時
實情甲實意 可比月當圓
想伊做一時 將阮來放離
乎阮若想起 恨伊薄情義
(三)秋天還沒過 秋葉落滿地
無情少年家 可恨你一個
花開你欲採 花枝你不愛
自己想看覓 用心拿出來
(四)四邊又寂靜 聽著鳥悲聲
目睭看橋頂 目屎滴胸前
自恨歹環境 自嘆我薄命
雖然春風冷 難得冷實情
6.農村曲
作詞：陳達儒
作曲：蘇桐
(一)透早著出門 天色漸漸光
受苦無人問 行到田中央
行到田中央 為著顧三丈
顧三丈 不驚田水冷霜霜
(二)炎天赤日頭 悽慘日中逗
有時踏水車 有時著搔草
希望好日後 每日巡田頭
巡田頭 不驚嘴乾汗那流
(三)日頭那落山 工作才有散
有時歸身汗 忍著寒甲熱
希望好年冬 稻仔快快大
快快大 阮的生活著快活
7.望你早歸
作詞：那卡諾
作曲：楊三郎
編曲：王豫民
每日思念你一人 未能得相見
親像鴛鴦水鴨不時相隨 無疑會來拆分離
牛郎織女伊兩人 年年有相會
怎樣你若一去全然無回 放棄阮孤單一個
若是黃昏月亮欲出來的時 加添阮心內悲哀
你要和阮離開那一日 也是月要出來的時
阮只好來拜託月亮 替阮講乎伊知
講阮暝日悲傷流目屎 希望你早一日回來
8.秋風夜雨
作詞：周添旺
作曲：楊三郎
風雨聲音擾亂秋夜靜 時常聽見蚯蚓哮悲情
引阮思鄉不知雨水冷 自恨自嘆幸福未完成
啊………前途茫茫 宛然失光明
希望純情結成好鴛鴦 無疑環境阻礙阮自由
秋風夜雨也無替阮想 那通歸暝迫阮添憂愁
啊………思思唸唸 一日如三秋
風雨淒涼已經是秋分 離開放鄉猶原這時袸
彼時約束望你相信阮 堅心為君保守阮青春
啊………阮是可比 海上小帆船
9.三線路
作詞：陳達儒
作曲：林綿隆
三線路草青青，想著彼時月光暝，
甲君相會分抹離，雙人賞月算天星，啊～算天星。
三線路月圓圓，真是月圓初戀時，
戀花當開當歡喜，無疑愛情半酸甜，啊～半酸甜。
三線路風微微，今夜無君路稀微，
孤單傷心目屎滴，想著哀怨坐歸暝，啊～坐歸暝。
10.心酸酸
作詞：陳達儒
作曲：姚讚福
我君離開千里遠 放阮孤單守家門
袂吃袂睏腳手軟 瞑日思君心酸酸
無疑一去無倒返 辜負青春暝日長
連寫批信煞來斷 乎阮等無心酸酸
一時變心袂按算 秋風慘淡草木黃
風冷情冷是無秧 光景引阮心酸酸
11.悲戀的酒杯
作詞：陳達儒
作曲：姚讚福
別人捧杯爽快塊合歡
阮捧酒杯悽慘又失戀
世間幾個親像阮這款
噯唷～ 噯唷～ 愛是目屎甲操煩
自嘆自恨看破了當初
吐氣無奈一杯又一杯
不管人笑酒醉倒在地
噯唷～ 噯唷 ～ 誰知阮為甚問題
帶著酒氣瞑日定定紅
目的不是貪著燒酒香
看破世情一切像眠夢
噯唷～ 噯唷～ 第一悽慘失戀人
12.補破網
作詞：李臨秋
作曲：王雲峰
見著網目眶紅 破甲這大孔
想要補無半項 誰人知阮苦痛
今日若將這來放 是永遠無希望
為著前途穿活板 找傢司補破網
手拿網頭就重 悽慘阮一人
意中人走叼藏 針線來鬥幫忙
姑不二終罔震動 拿長針接西東
天河用線作橋板 全精神補破網
魚入網好年冬 歌詩滿漁港
阻風雨駛孤帆 阮勞力無了工
雨過天晴魚滿港 最快樂咱雙人
今日團圓心花香 從今免補破網
| 
