1.命
作詞：黃秀清
作曲：黃秀清
細漢時 算命的講我是狀元囝
文武全才的富貴命
八字是天註定 賢妻淑女會入門廳 穿呷無欠毋免驚
啊～ 命命命～ 算命的話我嘛毋敢聽
也無享受過富貴命 愛人啊擱治咧別人兮
誰講命是天註定 自己猶原愛打拼
2.因為我愛妳
作詞：張為傑
作曲：張為傑
女聲：林美美
(女) 你一直不敢表示 心內對我的甲意
(男) 不知愛怎樣做起 才會引起妳注意
(女) 阮膨皮又擱秀氣 體格好來笑容甜
(男) 若看到妳 就想欲兌妳去 雄雄跋落愛情陷阱
(合) 今日是落雨天 只有拿著雨傘一支
(女) 決定欲治這來等你
(男) 感謝妳乎我機會來送妳返去
(合) 因為啊因為 我欲來勇敢來表示 我愛你
3.愛妳的心天也悲
作詞：羅助健
作曲：張為傑
想起妳離開的時 講愛到這為止
我唱的歌 妳甘有聽見 夜夜夢妳 毋驚人笑癡
無妳就無日子 卡想猶原是妳 多情的人
真容易心碎 夜夜為妳 用酒醉來麻痺
想妳已經是無藥醫 念妳已經也不管時
妳甘忍心看阮醉生夢死
明明妳對阮有情意 偏偏就是欲來賭氣
相信我愛妳的心天也悲
4.孤單的腳踏
作詞：武雄
作曲：張為傑
雨滴的聲 引阮心痛疼 妳欲離開 彼暝風雨這呢大
看著妳的形影 踏上彼班公車 害阮一時毋知欲安怎
無依無偎 一支小雨傘 妳送乎我 暗示愛情已落迦
其實我嘛知影 緣分已經到這 雨水偏偏滴落在心肝
離別後的今夜 阮猶原無心晟
拿著雨傘 身邊猶原 還是無半人來陪伴
怨嘆也是無卡詛 只有風雨才會了解我
我行起來成雙 其實是孤單 的腳踏
5.愛妳千千萬萬年
作詞：黃秀清
作曲：黃秀清
眼前來出現 千千萬萬的妳
是我酒醉的時袸 也是我想妳的時袸
趁這袸酒醉的時 才敢對妳來表示
愛妳愛妳 愛妳愛妳 酒醉講的話 絕對是剖腹的話
愛妳愛妳 愛妳千千萬萬年
6.來去飲燒酒
作詞：俞智凱
作曲：俞智凱
合唱：袁小迪‧林俊彥
朋友兄弟做陣來啊 做陣來去飲燒酒
無論你心內有啥代 飲落一杯講出來
每日打拼為將來 心內鬱卒無人知
燒酒一杯來 吞落腹內 朋友兄弟來排解
雖然世界亂猜猜呀 老神在在做咱來
管伊小丑仔做啥代 咱有燒酒尚囂掰
朋友兄弟免悲哀 社會無情你嘛知
燒酒一杯來吞落腹內 祝咱今晚醉三擺
7.愛妳痛入心
作詞：陳進興
作曲：劉明瑞
哀愁的笑容有苦衷 妳甲伊攏是阮的愛
多情來拖磨阮的心 妳甘會知
那毋是愛妳痛入心 哪會來堅持這多年
為妳來忍耐 為妳來流目屎
癡情人愛妳痛入心 為啥咪刺傷我感情
我不要偷偷想妳 愛妳不應該
心理的痛苦這呢深 只好來凝心放袂記
多情人哪會這悲哀 對妳的熱情猶原在
我永遠愛妳 希望妳了解
8.一生甘願跟妳走
作詞：黃永發
作曲：徐嘉良
我的一生有妳作伴 我的心肝無妳袂活
思念心情無依無偎 愛妳的心永遠袂變卦
妳是我所有的性命 我的心情妳甘知影
愛情路途這呢歹行 只要有妳就袂孤單
一生甘願跟妳行 無人會凍來拆散
愛妳攏毋知輕重 心內只有妳一人
一生甘願跟妳行 一片真情袂變卦
愛妳會凍疼惜我 永遠永遠有妳作伴
9.心酸講無話
作詞：林秋離
作曲：熊美玲
別人看阮當作是一蕊玫瑰花
相爭愛阮親像蝴蝶飛
妳竟然無惜阮的青春二十歲
放乎阮感情受苦罪
有情人做夥 約束是無反悔
誰人叫我甲妳 痛苦是甲己找
啊～心酸講無話 目屎放風吹
想也想歸暝 等也等無人 天色漸漸白
啊～心酸講無話 可憐玫瑰花
孤單惦世間無人陪
10.因為我愛妳(獨唱版)
我一直不敢表示 心內對妳的甲意
毋知欲怎樣做起 才會引起妳注意
妳膨皮又擱秀氣 體格好來笑容甜
若看到妳就想欲兌妳去 雄雄跋落愛情陷阱
今日是落雨天 阮拿著雨傘一支 決定欲治這來等妳
希望妳乎我機會來送妳返去
因為 啊因為 我欲勇敢來表示 我愛妳
| 
