1.悲情的城市
作詞：葉俊麟
作曲：吉田正
心稀微在路邊 路燈光青青 那親像照阮心情 暗淡無元氣
彼當時伊提議要分離 因何我會無來加阻止
啊 被人放捨的小城市 寂寞月暗暝
心茫茫想彼人 仰頭看樓窗 為怎樣一時心酸 目眶漸漸紅
你在我面頭前表愛慕 已經變成過去的眠夢
啊 被人放捨的小城市 秋夜也沉重
心痛疼無心晟 看月移花影 雖然是舊情難忘 暗叫你的名
到現在只好是祈禱你 一生過著心願的運命
啊 被人放捨的小城市 秋夜落葉聲
2.放浪人生
作詞：葉俊麟
作曲：洪一峰
身邊有你情話甘甜 留戀放未離
煙酒香味迷魂助氣 更加心不死
春風微微 吹入窗邊 茫茫不知時
啊 醉生夢死 青春枉然為你去
放捨家庭放浪成性 為你來犧牲
霜風寒冷月色無明 破壞我前程
想要反省 挽救半生 棄邪來歸正
啊 浪子苦情 到底誰人會分明
黃昏那到愈想愈惱 心情亂操操
路邊野草也要等候 春天露水厚
人生快老 青春年少 應該好透流
啊 時機到了 浪子就緊好回頭
3.思慕的人
作詞：葉俊麟
作曲：洪一峰
我心內思慕的人 你怎樣離開 阮的身邊
叫我為著你 暝日心稀微 深深思慕你
心愛的 緊返來 緊返來阮身邊
有看見思慕的人 惦在阮夢中 難分難離
引我對著汝 更加心綿綿 茫茫過日子
心愛的 緊返來 緊返來阮身邊
好親像思慕的人 優美的歌聲 擾亂阮耳
當我想著你 溫柔好情意 聲聲叫著你
心愛的 緊返來 緊返來阮身邊
4.舊情綿綿
作詞：葉俊麟
作曲：洪一峰
一言說出就要放乎忘記哩
舊情綿綿暝日恰想也是妳
明知妳是楊花水性
因何偏偏對妳鍾情
啊……不想妳 不想妳 不想妳
怎樣我又擱想起
昔日談戀的港邊
青春夢斷妳我已經是無望
舊情綿綿心內只想妳一人
明知妳是有刺野花
因為怎樣我不反悔
啊……不想妳 不想妳 不想妳
怎樣我又每晚夢
彼日談情的樓窗
男子立誓甘願看破來避走
舊情綿綿猶原對情意厚
明知妳是輕薄無情
因何偏偏為你犧性
啊……不想妳 不想妳 不想妳
怎樣我又擱想起
昔日談戀的港邊
5.淡水暮色
日頭將要沉落西 水面染五彩
男女老幼塊等待 漁船倒退來
桃色樓窗門半開 琴聲訴悲哀
啊 幽怨的 心情無人知
矇隴月色白光線 浮出紗帽山
河流水影色變換 海風陣陣寒
一隻小鳥找無伴 歇在船頭岸
啊 美妙的 啼叫動心肝
淡水黃昏帶詩意 夜霧罩四邊
教堂鐘聲心空虛 響對海面去
埔頂燈光真稀微 閃閃像天星
啊 難忘的 情景引心悲
6.再會夜都市
原曲：Orewa Sabicinda
作詞：林維
作曲：渡久地政信
繁華的青紅燈
難忘的夜景
請原諒我總是需要找前程
再會呀再會呀
癡情的女性
流浪的男兒心境
應該你是會分明
含情的黑目睭
妖嬌的模樣
雖然是引起我戀戀暝日想
再會呀再會呀
難忘的姑娘
顧你的幸福自由
不通替我來憂愁
7.可憐戀花再會吧
作詞：葉俊麟
作曲：上原Gento
編曲：張乃仁
雖然是 無願意 甲伊來分離
一旦被風拆散去 抱恨無了時
只好忍著 傷心淚 孤單到湖邊
啊 啊....薄命戀花
再會啊再會啊
雖然是 十五暝 月色帶柔意
水鴨單隻在水墘聲聲訴悲哀
已經破去 青春夢 何必再想起
啊 啊....無緣戀花
再會啊再會啊
雖然是 不得已 看破了情義
夜蟲因何嘆秋風 悲慘哭歸暝
只是令人添稀微 大哮喘袂離
啊 啊....可憐戀花
再會啊再會啊
8.寶島四季謠
春天時草山櫻花獻嬌媚 紅男綠女滿滿是
欣賞青春好芳味 輕步踏草青
清風撫弄著花片 精彩好情緒
夏天時驕陽照著碧潭邊 橋影搖來又搖去
水面砂美人魚 笑聲鬥人意
小舟洩出戀歌詩 飄飄飛上天(上：ziun¯)
秋天時芎蕉園邊秋蟬啼 黃葉落地聲輕微(芎：gin¯)
姑娘伴哥笑嘻嘻 割著望冬米
水牛表示怨妒意 踏入去水池
冬天時溫泉煙霧顯活氣 毋知霜風包四邊
一對初戀的情侶 談笑毋知時
喙食果子鹹酸甜 真正台灣味(喙：cui_)
9.寶島曼波
作詞：葉俊麟
作曲：洪一峰
口白：
嘎呼 大家出來唸歌喔
嘎呼 大家相招來七逃
不分男女老幼快出來呦！ 荷呀！
寶島曼波 曼波寶島 寶島曼波 曼波寶島
寶島天清雲薄薄 南部妹妹娶兄哥
唱出寶島的曼波 我來打鼓你打鑼
喔～ 寶島 唱出寶島的曼波
來跳曼波 來跳曼波 相招來去來跳曼波
寶島曼波 曼波寶島 寶島曼波 曼波寶島
寶島四季好迄逃 台東花蓮到蘇澳
海路水路平波波 欲吃海味免驚無
喔～ 寶島 唱出寶島的曼波
寶島曼波 曼波寶島 寶島曼波 曼波寶島
寶島透年生楊桃 也有荔枝甜葡萄
老人吃到解心燥 少年吃到愛情好
喔～ 寶島 寶島少年愛曼波
來跳曼波 來跳曼波 相招來去來跳曼波
寶島曼波 曼波寶島 寶島曼波 曼波寶島
寶島四季鳥隻多 鴛鴦水鴨尚相好
逍遙自在塊奔波 迎合寶島的曼波
喔～ 寶島 寶島鳥隻唱曼波
寶島曼波 曼波寶島 寶島曼波 曼波寶島
寶島曼波 曼波跌倒～
10.搖子調
搖啊搖 惜啊惜 你乖乖 乎阮搖
我來唸歌 搖你睏
嬰嬰睏 嗯嗯嗯
望子真溫順 好睏一暝大一吋
嬰惜 嬰睏 大漢賺錢年年春
搖啊搖 惜啊惜 你乖乖 乎阮搖
乖子你緊 嬰嬰睏
嬰嬰睏 嗯嗯嗯
已經日黃昏 大隻獵鳶惦山崙
嬰惜 嬰睏 不睏會來咬嘴唇
搖啊搖 惜啊惜 你乖乖 乎阮搖
我搖我惜 你緊睏
嬰嬰睏 嗯嗯嗯
乖子真溫順 愈暗冷風愈大陣
嬰惜 嬰睏 不睏月嘛心憂悶
11.男兒哀歌
作詞：葉俊麟
作曲：洪一峰
船螺聲音交響著酒場小吹聲
港都又是船入港回復歡樂影
酒是不倒來嗎 無醉我不行
你我乾杯驚什麼何必著來驚
你甲我不過是同款的運命
吉他哀調提醒我滿腹的恨火
舊情何必再想起已經不重回
曲是不奏來嗎 隨便無問題
你我合唱唱什麼你唱我就跟
你甲我趁今宵 盡量開心花
酒女面容那親像可愛冤仇人
酒場歸暝鬧無停迷醉人幻夢
你是不偎來嗎 要送我出帆
你我乾杯笑什麼何必帶苦痛
你甲我愛輕鬆 互相知輕重
12.懷念的夜都市
13.快樂牧場
作詞：葉俊麟
綠色的深山樹木青翠
溫柔的春風送香味
一陣的小羊白如綿
隨著小姐的身邊
彼個可愛小姑娘
歌聲動人耳
幽麗伊啼幽麗伊啼
表現青春正當時
幽麗伊啼幽麗伊啼
明朗的鳥聲伴著伊
幽麗伊啼幽麗伊啼
幽麗伊啼幽麗伊啼
麗伊呼麗伊呼
麗伊啼幽麗伊啼幽麗伊啼
麗伊呼麗伊呼
麗伊啼幽麗伊啼幽麗伊啼
幽靜的風光逗人趣味
廣闊的牧場中罩時
一陣的小羊站溪邊
避著日頭的燒氣
美麗姑娘站樹腳
含情頭傾傾
幽麗伊啼幽麗伊啼
不知想著什代誌
幽麗伊啼幽麗伊啼
櫻桃嘴肉文糖蜜甜
幽麗伊啼幽麗伊啼
幽麗伊啼幽麗伊啼
幽麗伊啼
麗伊呼麗伊呼
14.異鄉風雨
15.愛妻請原諒
16.惜別夜港邊
憂悶的閃熾 憂悶的閃熾 看見黃昏的天星
宛然是不甘著阮 離開夜港墘
再會不知等何時 惦在阮身邊
難分難離珠淚滴 心愛的女兒
請你不通來傷悲 好好過日子
雙人在港邊 雙人在港邊 見面已經是一年
今夜的送別情話 更加糖蜜甜
你也知阮心稀微 不甘來分離
若到他鄉阮也是 會來思念你
最好希望你原諒 海上的男兒
流對彼平去 流對彼平去 又是一粒的流星
引起阮心情寂寞 不覺珠淚滴
雖然你我心酸悲 離開是暫時
咱那無來放忘記 纏綿好情意
將來總會照期待 快樂結情義
| 
