1.往事如影
作詞:路寒袖
作曲:詹宏達
坐佇鏡前歸暝 往事如影
鏡中幻影迷濛 流轉歌聲
流來轉去像風 吹散形影
暗夜月娘失神 林鳥著驚
想起過去彼段 心肝痛疼
青春年少懵懂 烈火是名
烈火緊燒緊 煙中揣伴
雖然雙儂相倚 愈來愈寒
為情為愛為理 半生獨行
人生幾座山嶺 我攏卜看
看盡繁花流水 行過風寒
天地唱出我聲
坐佇鏡前歸暝 往事如影
越頭路途遙遠 腳步孤單
踏著沉重腳步 認份認命
追著家己影 家己聲
2.冬至圓
作詞:路寒袖
作曲:詹宏達
小雪過了是大雪
大雪閣行到冬至
暗暝上介長
思念遠遠遠
今年操煩夢中囥
醒來日頭曝眠床
圓仔思念來煮湯
一碗親情燒閣軟
冬至寒霜來叫門
叫咱明年早撲算
過去毋免問
未來咧發光
共心早慢會相見
撲開彩霞半邊天
冬至圓仔逐粒圓
明年定著是好年
3.四月望雨
作詞:路寒袖
作曲:詹宏達
滿天天星滿天光
想自己暗淡無儂問
問家己未來怎按算
親像月娘照田園
街路路燈街路光
看自己形影拖長長
啊,沉重孤單卜佗囥
四月雨水替阮問
撲開風的門
予悲情去流浪
行佇暗暝中
無月無影,冷冷四月風作伴
四月望雨水
雨水滴心寒
意志溢海岸
望遠世路家己自由行
4.梳妝檯
作詞:路寒袖
作曲:詹宏達
囥佇壁角無儂知
七十年梳妝檯
彼是阿媽老嫁妝
放捨青春漸漸歹
照出阿媽時代
圓鏡濛霧若大海
地動變天逐項來
繼續活落上實在
梳妝檯啊梳妝檯
少年阿媽行出來
頭毛烏金儂儂愛
啊,每一儂
一生攏會一擺
5.煞戲
作詞:路寒袖
作曲:詹宏達
阮是野花欠儂晟
若無蝴蝶啥知影
開花引蝶無求名
上驚秋天落葉聲
鐲鼓喧天為咱起
同台演出真甜蜜
卜笑卜哭全看汝
毋過這是一齣戲
戲若煞了棚落拆
管伊廟口抑稻埕
阮厝毋是住佇遐
包袱款款隨儂行
人生海海一齣戲
戲子親像流浪兒
佗位請阮陀位去
何必單守花一枝
6.人生逐位會開花
作詞:路寒袖
作曲:詹宏達
一葩燈火有外光
點佇暗夜照百丈
燈火若戚免悲哀
總有天光日頭來
生命到底有外長
若無理想偆半寸
理想藏佇黑暗內
宛然暗夜等待
白雲啊,白雲飄散
江水啊,江水流東
雲飛天啊,水流地
雲佇水底天地相揣
天地無心烏影消退
毋免苦苦貪戀一切
只要世路家己行過
人生逐位攏會開花
7.汝對秋天倒轉來
作詞:路寒袖
作曲:詹宏達
汝對秋天倒轉來
頭毛帶著收成芳味
心內充滿金黃色彩
毋過是按怎形影孤單
秋風叫出汝感概
是毋是拄即開花愛
夭未揣著結果所在
汝心情我攏知
我佇遮永遠咧等待
撲開心門
隨時歡迎汝來
秋天過了是冬天
汝是無儂會凍取代
予我牽汝手
行過冬天
行入春天世界
8.夢咧震動
作詞:路寒袖
作曲:詹宏達
囡仔夢是錢筒
身軀短短喙細孔
摝一箍響幾偌工
阮甲耳孔倚近聽
叮叮噹噹叫阮名
彼是夢咧震動聲
伊輕輕啊翻一身
落比昨昏閣卡大漢
暗時定定偷走出來
踮眠床頭陪阮開講
儂啊儂,攏有夢
夢啊夢,無相共
一箍愈來愈細圓
夢是愈來愈大漢
何時已經搬出錢筒
儂咧揣夢,夢咧揣儂
儂啊儂,攏有夢
夢啊夢,無相共
9.阿媽 白頭鬃
作詞:路寒袖
作曲:詹宏達
清朝出生日據嫁尪
如今守寡幾偌十冬
改朝換代遐儕款
攏是查甫揣麻煩
阮阿媽啥儂管
孤單一查某儂
清朝出生日據嫁尪
如今守寡幾偌十冬
教囝飼孫歸世儂
拖磨生命強卜空
心中只一夢
囝孫大漢會輕鬆
阿媽白頭鬃
教阮清白在人間
阿媽仲白頭鬃
輕輕綁著伊夢
|