幸福佇佗找

王俊傑 幸福佇佗找歌詞
1.平安之歌

作詞:王俊傑
作曲:張瓊玉
編曲:王俊傑

世間上媠的代誌 目睭敢會當看見
世間上媠的代誌 愛用真心才會當明白
牽阮的手慢慢行 你的目睭替阮看
牽你的手慢慢行 阮的心聲唱予你聽

唱一首歌叫做平安 願這首歌永遠佮你作伴
唱一首歌叫做希望 阮的歌聲予你袂閣再孤單
阮要唱歌送予咱的囡仔 予伊毋免煩惱毋免驚
阮要唱歌送予這塊土地 大聲唱出阮心內的感謝

愛有偌深 希望就有多大 路途坎坷毋免閣再驚惶
愛有偌深 希望就有多大 平安的歌永遠唱袂煞


2.幸福佇佗找

作詞:王俊傑
作曲:王俊傑
編曲:周建宇

有偌久毋捌為生活寫一首詩
有偌久毋捌為日子掺一寡滋味
對佇時就開始
就漸漸迷惑天真的記持

青春啊 淡薄啊任性
時間啊 遐呢仔殘忍
曾經嘛想過真濟百丈雄心壯志
如今只是看著世態炎冷

少年啊 這呢仔方剛血性
歲月啊 攏是遐呢仔公平
曾經嘛相信只要堅持就會出頭天
如今只是笑看海海人生

若問起快樂是什麼
我講喜怒哀樂攏著放伊自由去
腳踏實地 輕鬆進退
提起放下無煩無惱免驚人掰會

若問起幸福佇佗找
我講富貴散赤攏莫囥佇心內底
你看遐寬的天 咱是才有偌濟
人生的幸福快樂 沓沓仔體會


3.重慶北路的少年家

作詞:王俊傑
作曲:王俊傑
編曲:王俊傑

佇重慶北路三段的巷仔尾
蹛著一个十七八歲的少年家
他閒閒攏佇厝內底
猶有伊的阿嬤佮伊做伙

佇重慶北路三段的巷仔尾
少年家阿嬤不時來共伊罵
遠遠佮聽來使人感動在心底
是阿嬤煩惱這个孫講出來的話

樓頂的彼个少年家
伊頭殼內到底咧想啥貨
聽恁阿嬤講你小可有問題
你徛佇邊仔頭犁犁
逐工透早攏會傳來一陣
像唸歌閣那親像咧講話
一直沒法度佮聽詳細
這个少年家 你咧想啥貨


4.唱一首歌

作詞:王俊傑
作曲:王俊傑
編曲:王俊傑

阮的歌唱予知己的聽
若無棄嫌就拍噗仔
阮毋是 毋是愛臭彈
唱好歌佮恁來作伴

阮的歌唱予貼心的聽
聽了伊會閣較愛我
阮用心唱出這條情歌
所以愛人仔目屎總是拭袂煞

寫一條想欲唱的歌
唱歌心情較快活
馬馬虎虎過生活
什麼代誌給放予千里外

寫一條想欲唱的歌
若是有煩惱給唱予伊煞
若是無聊就來揣我
咱才做伙來去唱歌
啦啦啦啦


5.絃

作詞:王俊傑
作曲:王俊傑
編曲:楊邦昊

感情絃直直的拓
彈吉他的深夜
吉他絃咧唱歌
唱出你的形影
我日思夜夢毋成歇
我空思夢想無較縒

吉他聲陪伴我(安慰我)
烏暗也咧笑我
你的情予我一寡
我是乞食
向望你施捨
加減予我一寡

佇今夜霎霎的雨水啊
是目眶紅所滴落的淚水啊


6.阿嬤的雨傘是一蕊花

作詞:陳明章
作曲:陳明章、曾郁雯
編曲:Hank

阿嬤的雨傘是一蕊花
開佇春夏秋冬的四季
每一個黃昏的落雨時
驚阮的身軀澹糊糊

阿嬤的雨傘是一蕊花
開佇我出外打拼的心底
離開故鄉的異鄉暝
害阮的思念澹糊糊

快樂的歌阮唱予聽
思念的詩阮寫著伊
冬天的火爐邊的笑容
伴阮過著安穩暝 (本段重複)

阿嬤的雨傘是一蕊花
開佇落大雨的校門口
開佇黃昏的公車站
驚阮的身軀澹糊糊


7.娘子

作詞:王俊傑
作曲:王俊傑
編曲:王俊傑

過去的種種 那像風聲
妳總是講 彼敢有影
親像故事 閣親像死炸
你講親像我咧膨風無影無一跡

請妳愛相信愛相信 我的娘子
恁翁毋是白賊 毋是講古予妳聽
愛相信愛相信 我的娘子
咱只是這馬較散 以後一定一定會足好額

我的心肝 所有的酸甘苦汫
想欲佮妳分享 攏總來予妳知影
一直啊 知道你真正愛我
袂習慣講出聲 總是囥佇心肝
這首歌 唱予阮娘子一人聽
頭前坎坷路途有妳佮我鬥陣走

定定會冤家毋講話
看誰人擋袂牢先會失禮
日子一直過這款的滋味真歹解說


8.鳳嬌姆仔的彼擔米粉炒

作詞:王俊傑
作曲:王俊傑
編曲:王俊傑

伊孤孤單單單單一個人
踮佇市場角仔排一擔米粉炒
出入內外的人攏會聽著伊親切的叫聲
先生小姐囝仔兄遮坐欲愛啥?
無看見有人佮伊作伴
毋怎知影伊的身世是按怎
只有一隻跛腳的烏狗佮伊來作伴
一碗四神湯一盤米粉炒
數十年來好天落雨攏佇遮
一碗四神湯一盤米粉炒
阮攏叫伊鳳嬌姆仔

鳳嬌姆仔咧唸歌較唸嘛是彼首歌
鳳嬌姆仔愛唸歌較唸嘛是唸袂煞
伊講自古紅顏多薄命紅顏多薄命 (本段重複)

鳳嬌姆仔彼擔米粉炒炒著無仝款人客的運命
鳳嬌姆仔彼擔米粉炒炒著毋知影名的烏狗兄
鳳嬌姆仔彼擔米粉炒炒著歲月流轉的變化
鳳嬌姆仔彼擔米粉炒炒著伊已經變白的頭鬃
鳳嬌姆仔彼擔米粉炒炒著市場內外的喝聲
鳳嬌姆仔彼擔米粉炒炒著怹囝佇籠仔內的哭聲 (本段重複)

伊的故事阮到大漢才知影
伊自細予人做養女
大漢為著家庭去做酒家女
無疑故熟識彼個烏狗兄生一個囝
現在予人判無期徒佇籠仔內咧算日頭影


9.風箏

作詞:郭謙成
作曲:王俊傑
編曲:楊邦昊

咱的愛情 若是已經過
就無需要提出來掰會
咱的愛情 若是行到底
就毋免計較放伊隨風飛

若是有心 就無需要來解釋
若是有情 我也毋免為你變甲遮狼狽

攑頭看天 天頂有雲咧飛
牽這條線像咧放風吹
已經無結局 無需要來解說
天頂的雲 你是欲飛去佗
毋免閣講無聊的話
夢已經醒 也毋免講再會


10.以茶會友

作詞:王俊傑
作曲:王俊傑
編曲:曾仁義

恬恬坐佇遮 恬恬坐佇遮
啉一嘴遮呢快活清芳味你敢知影
靜靜來陪伴 無想講按怎
咱做伙憑感覺 品出茶米的性命

一个人袂孤單兩个人相傍伴
三个人知識相交換 四个人見識閣較闊
懸衝低斟看運命
茶水落喉知影心情是按怎

來趁燒莫一直看
幾葉幾心計較這是無較縒
用心交陪感情來搏 茶古一直咧遐
每一泡攏泡出咱的心肝
朋友泡茶 清甘快活