台灣民謠

鳳飛飛 台灣民謠歌詞
1.鑼聲若響

作詞:許丙丁
作曲:許石

日黃昏愛人啊要落船 想著心酸目睭罩黑雲
有話要講趁這袸 較輸心頭亂紛紛 想袂出親像失了魂
鑼聲若響 鑼聲若響就要離開君

船燈青愛人啊在船墘 不甘分離目睭釘著伊
有話要講趁這袸 較輸要講喉先哽 全無疑哪會按呢生
鑼聲若響 鑼聲若響就要離開伊

錠離水愛人啊船要開 吐出大悸恨別嘴開開
一聲珍重相安慰 成功返來再做堆 情相累心肝像針威
鑼聲若響 鑼聲若響袂得再相隨


2.一個紅蛋

作詞:李臨秋
作曲:鄧雨賢

想要結髮傳子孫無疑明月遇黑雲
尪婿耽誤阮青春噯喲一個紅蛋動心悶

望想享福成雙對那知洞房空富貴
含蕊牡丹無露水噯喲一個紅蛋引珠淚

春野鴛鴦同一衾傷心目屎難得禁
掛名夫妻對獨枕噯喲一個紅蛋擾亂心

愛情今生全無望較慘水虌墜落缸
堅守活寡十外冬噯喲一個紅蛋真苦痛


3.雨夜花

作詞:周添旺
作曲:鄧雨賢

雨夜花 雨夜花 受風雨吹落地
無人看見每日怨嗟 花謝落土不再回

花落土 花落土 有誰人通看顧
無情風雨誤阮前途 花蕊若落要如何

雨無情 雨無情 無想阮的前程
並無看顧軟弱心性 乎阮前途失光明

雨水滴 雨水滴 引阮入受難池
怎樣乎阮離葉離枝 永遠無人通看見


4.六月茉莉

作詞:仲寧
作曲:許丙丁

六月茉莉真正媠 郎君仔生做伊都真古錐(媠:suiˋ)
好花難得成雙對 身邊若無娘仔伊都上克虧

六月茉莉真正香 單身的娘仔伊都守空房
好花也著有人挽 無人那知影啊伊都氣死人

六月茉莉芳透天 單身的娘仔伊都無了時
好花也著合人意 何時那郎君仔伊都在身邊

六月茉莉透暝芳 單身的娘仔伊都做眠夢
好花開了等後冬 娘仔那親情啊伊都何時放(情:ziaN¯)

六月茉莉滿山芳 挽花嘛也著伊都惜花欉
親像蝴蝶亂戲弄 採過那一欉仔伊都又一欉

六欉茉莉分六路 這欉若卡媠伊都搬落壺
日時欲挽有人顧 暝時若欲挽啊伊都人看無


5.白牡丹

作詞:陳達儒
作曲:陳秋霖

白牡丹 笑呅呅 妖嬌含蕊等親君
無憂愁 無怨恨 單守花園一枝春
啊……單守花園一枝春

白牡丹 白花蕊 春風無來花無開
無亂開 無亂美 不願旋枝出牆圍
啊……不願旋枝出牆圍

白牡丹 等君挽 希望惜花頭一層
無嫌早 無嫌慢 甘願乎君插花瓶
啊……甘願乎君插花瓶


6.春花望露

作詞:江中清
作曲:江中清

今夜風微微 窗外月當圓 雙人相愛要相見 思君在床邊
袂見君親像野鳥啼 噯唷 引阮心傷悲 害阮等歸暝
明夜月光光 照在紗窗門 空思夢想歸暝恨 袂得倒落床
袂見君親像割心腸 噯唷 引阮心頭酸 面肉帶青黃
深夜白茫茫 冷風吹入窗 思思念念君一人 孤單守空房
袂見君怨嘆目眶紅 噯唷 引阮病這重 情意害死人


7.阮不知啦

作詞:陳達儒
作曲:吳成家

彼時約束啊 雙人無失信
近來言語啊 煞來無信憑
冷淡態度親像無要無緊
你甘是 你甘不是找到新愛人
啊 阮不知啦 阮不知啦 總無放舊去找新

近來講話啊 大聲細聲應
愛情戀夢啊 漸漸變無親
不明不白因何僥心反面
你甘是 你甘不是找到新愛人
啊 阮不知啦 阮不知啦 總無放舊去找新

春天花蕊啊 為春開了盡
十八少年啊 為你用心神
怎樣這款全無同情憐憫
你甘是 你甘不是找到新愛人
啊 阮不知啦 阮不知啦 總無放舊去找新


8.補破網

作詞:李臨秋
作曲:王雲峰

見著網 目眶紅 破甲這大洞
想要補 無半項 誰人知阮苦痛
今日若將這來放 是永遠無希望
為著前途穿活縫 找傢私補破網

手提網 頭就重 淒慘阮一人
意中人 走叨藏 哪沒來鬥幫忙
姑不利將罔振動 舉網針接西東
天河用線做橋板 全精神補破網

魚入網 好年冬 歌詩滿漁港
阻風雨 駛孤帆 阮勞力無了工
雨過天晴魚滿港 最快樂咱雙人
今日團圓心花放 從今免補破網


9.思想起

作詞:許丙丁
作曲:恆春民謠

思啊想起 楓港過去呀伊嘟是車城
花言巧語呀伊嘟未愛聽啊噯喲喂
阿娘仔講話若有影噯喲喂
噯喲刀槍做路也敢行啊噯喲喂

思想起 甘蔗好吃伊嘟雙頭甜
大某那娶了啊伊嘟娶細姨噯喲喂
細姨仔娶來人人愛噯喲喂
噯喲放捨大某那上可憐啊伊嘟噯喲喂


10.西北雨

作詞:周添旺
作曲:周添旺

日頭過半埔 天氣炎熱宛然像火爐
約束不敢誤 想要出門
丟丟銅仔伊都看著 滿天雲變黑
噯呀出門怕會 遇著西北雨

出門無疑誤 果然大雨已經滴落土
要去又落雨 不去驚伊
丟丟銅仔伊都講阮 失約真糊塗
噯呀心內越急 想到無變步

雨落這呢粗 無來趕緊行來到半途
要過大馬路 又驚大雨
丟丟銅仔伊都渥著 規身淡糊糊
噯呀第一害人 就是西北雨


11.姐妹愛

作詞:陳達儒
作曲:蘇桐

姊妹迎春美麗等春夢 無疑無誤意愛同一人
今日將愛甘願對妹送 不甘害妹破害好花叢

姊妹花蕊本來同根枝 蝴蝶害人運命不公平
世間至親是阮妹甲姊 不甘害妹耽誤青春時

姊妹青春雖然無二擺 為妹害姊怎樣結將來
請你放心照阮的交代 大來讓小這是合應該


12.雙雁影

作詞:陳達儒
作曲:蘇桐

秋風吹來落葉聲 單身賞月出大庭
看到倒返雙雁影 傷心欲哮驚人聽

鴻雁哪會這自由 雙雙迎春又送秋
因何人生未親像 秋天那來阮憂愁

秋天月夜怨單身 歸眠思君未安眠
恨君到今未見面 不知為著什原因


13.月夜愁

作詞:周添旺
作曲:鄧雨賢

月色照在 三線路 風吹微微 等待的人那未來
心內真可疑 想抹出 彼個人 啊.. 怨嘆月暝

更深無伴 獨相思 秋蟬哀啼 月光所照的樹影
加添我傷悲 心頭酸 目屎滴 啊.. 憂愁月暝

敢是注定 無緣份 所愛的伊 因何乎阮放抹離
雙邊來相見 斷腸詩 唱抹止 啊.. 無聊月暝


14.河邊春夢

作詞:周添旺
作曲:周添旺

河邊春風寒 怎樣阮孤單
舉頭一咧看 幸福人做伴
想起伊對我 實在是相瞞
到底是安怎 毋知阮心肝

昔日在河邊 遊賞彼當時
實情佮實意 可比月當圓
想伊做一時 將阮來放離
乎阮若想起 恨伊薄情義

秋天猶未過 樹葉落滿地
無情少年家 可恨你一個
花開你欲採 花枝你無愛
家己想看覓 良心提出來

四邊又寂靜 聽見鳥悲聲
目睭看橋頂 目屎滴胸前
自嘆歹環境 自嘆遮薄命
雖然春風冷 難得冷實情


15.心酸酸

作詞:陳達儒
作曲:姚讚福

我君離開千里遠啊 放阮孤單守家門
袂吃袂睏腳手軟啊 每日思君心酸酸

無疑一去無倒返啊 辜負青春暝日長
連寫批信煞來斷啊 乎阮等無心酸酸

一時變心袂按算啊 秋風慘淡草木黃
風冷情冷是無秧啊 光景引阮心酸酸


16.港邊惜別

作詞:陳達儒
作曲:吳成家

戀愛夢 被人來拆破 送君離別啊 港風對面寒
真情真愛 父母無開化 不知少年啊 熱情的心肝

自由夢 被人來所害 快樂未透啊 隨時變悲哀
港邊惜別 天星像目屎 傷心今暝啊 欲來分東西

青春夢 被人來打醒 美滿春色啊 變成黑暗天
港邊海鳥 不知阮分離 聲聲句句啊 吟出斷腸詩