1.日日春
作詞：蔡乙洲
作曲：蔡乙洲
朋友作夥靠緣分 有情有義才會春
成功失敗著甭議論 心情輕鬆日日春
啊甭相害著逗相撐 甭相害著逗相撐 蝴蝶嘛著好的花粉
人生難免遇著黑雲 何必怨嘆頭頭昏昏
啊打拼打拼勤儉抓石 才會日日春
2.黃昏城
作詞：陳達儒
作曲：姚讚福
啊～ 黃昏引動阮青春
天悶悶 日頭漸黃昏 鳥隻啼叫小山崙
嶺頂春花亦親像要睏 啊～ 黃昏引動阮青春
城悶悶 燈火照黃昏 雙雙對對娘伴君
孤阮一人悶悶的休睏 啊～ 黃昏引動阮青春
心悶悶 為著日黃昏 孤星伴月結成群
見景傷情加添阮心悶 啊～ 黃昏引動阮青春
3.王將
作詞：愁人
口白：
恩恩怨怨的人生 千變萬化轉不停 有時平靜有時起朦霧
唉~冤冤仇仇 風波幾時休
離開著故鄉彼時下家歡喜來分離
那會知慈愛父母已經袂得再相見
可恨的這個怨仇一定我要來報伊
天頂的我的爸母請您看我的志氣
做男兒惦在世間著愛有情甲有義
為大義無惜生命向著死裡來進去
顯出著王將風度無關會活也會死
天頂的我的爸母請您甲我免掛意
明日是等待已久冤仇要報的日子
無論是十個百個我也不驚要來去
妹妹妳提出勇氣忍耐一切的代誌
天頂的我的爸母請您為我來保庇
4.雨中鳥
作詞：陳達儒
作曲：林綿隆
口白：日本時代有很多本省的同胞，被逼去做兵區，遠赴著南洋作戰，
往往一去就沒擱再返來，可憐著在故鄉等待的人，就像是無依無偎的 雨 中 鳥
雨中鳥 誰人害
恨天怨地 聲聲哀
無依無偎 悽慘雨中內
今日飛東 明日飛西
雨中鳥 恨孤單
受風受雨 遍身寒
開聲啼叫 尋無同心肝
一山飛過 又一嶺
雨中鳥 每日哮
怨身嗟命 目屎流
天邊海角 四邊飛透透
天光飛到 暗日頭
5.無緣做鴛鴦
作詞：呂金守
作曲：呂金守
口白：既然無緣 為什麼相愛
既然相愛 為什麼受阻礙
人生如戲 戲如人生 為什麼咱扮的是這麼悲慘的戲呢
自君離開阮身邊，情海接著風雲起；
過日如過年見面等何時，割腸割肚夜夜哭甲啼
爸母拒絕咱往來，滿腹痛苦誰人知；
望君著瞭解不是阮不愛，日日思君夜夜塊等待
這世無緣作鴛鴦，希望後世作新娘；
欠君花債求君會原諒，自嘆這世無緣作鴛鴦
6.野玫瑰
作詞：彭經洲
作曲：日本曲
青紅燈光照門楣 舉頭一看心悲哀
十年夫妻的恩愛 離尪放子不應該
啊..........野玫瑰 難怪我憤慨
冬天過了春天來 迎新棄舊不應該
虛華墜落煙花界 無想尪子的將來
啊..........野玫瑰 恨你不應該
做著歹田望後冬 取著歹某一世人
女性若驚採花蜂 男性最驚奧花欉
啊..........野玫瑰 恨你一世人
7.日日春
作詞：陳達儒
作曲：蘇桐
阮是日日春 日日悶 天光開花到黃昏
紅花點胭脂 白花抹水粉 開花等待蝴蝶群
阮是日日春 日日愁 怨嘆終身誰收留
雖是薄命花 日日也清秀 不是為著愛風流
阮是日日春 日日苦，怨嘆緊開緊落土
日來受風雨 夜夜凍著露 生成薄命無奈何
8.湯島白梅記
作詞：葉俊麟
溫泉鄉罩茫霧 哀愁的暗暝 來見著心愛的姑娘 流出珠淚滴
不是我對你無情 即著來分離 父母阻礙二人作陣 請你愛原諒
彼一暝雙人約束 永遠不分開 真無疑偏偏來遇著 父母的反對
阮不敢對因抗議 想著真有愧 只好當作二人無緣 請你愛原諒
溫泉鄉朦朧月亮 漸漸墬落西 看見伊暗淡的愁容 珠淚滴落來
我永遠紀念著你 對阮的情愛 算來也是二人的命 請你愛原諒
9.可憐彼個小姑娘
作詞：文夏
自彼日彼個姑娘 離開阮了後
給我來想伊歸暝 艱苦過日子
小姑娘不通忘記 當初的約束
回返來我的身邊 回返來我的身邊
給我看一下
世間的人 若是為了金錢
來賣出自己子兒 真可憐
這款金錢較多也無路用
啊無路用 啊無路用
雖然是彼個姑娘 無意來離開
講伊是為了父母 想要做犧牲
小姑娘我也不是 叫你違父母
不過伊二人敢無 不過伊二人敢無
過著苦戀時
世間的人 若是做人父母
請你著為了子兒 來打拼
這款金錢較少也有路用
啊有路用 啊有路用
聽起講彼個姑娘 惦在伊厝內
怨嘆著伊的薄命 每日流珠淚
小姑娘請等來世 希望會做夥
講起來真正可憐 講起來真正可憐
咱的戀愛夢
10.長崎蝴蝶姑娘
作詞：莊啟勝
作曲：米山正夫
以前Nagasaki繁華的都市，
黃昏日頭若照愛人的門口，
給人會心憂，給阮想彼時
初戀的紙花傘，搖來又搖去
蝶々さん 蝶々さん (cho cho san)
草花若開時親愛的郎君，
聽講坐船要返來，像花的羅曼史
ながさき ながさき ながさき(Nagasaki)美麗的都市
南風吹來帶著快樂的，
今日天清無雲，孤單在山頂
看著大海洋，清清無船影，
難眠的長暗眠 一夜過一夜
蝶々さん 蝶々さん (cho cho san)
花開滿山頂開了又謝去總是等君回來時，像花的羅曼史
ながさき ながさき ながさき(Nagasaki)美麗的都市
鐘聲清清，帶著迷戀的
廣闊的房間內只有阮一人
思念你的影，浮在阮面前，
給阮來難忘的 青色的目睭
蝶々さん 蝶々さん (cho cho san)
英俊的面容 心愛的郎君
今夜無疑夢著你，像花的羅曼史
ながさき ながさき ながさき(Nagasaki)美麗的都市
11.運河悲喜曲
作詞：陳達儒
作曲：蘇桐
(男)運河見面心悲哀
(女)怨恨命運來安排 阻礙著好情愛 無啊無自在
(男)伸手拭著妹仔目屎
(女)運河水流聲悲哀
(男)怨恨父母袂瞭解
(女)破害著鴛鴦夢 不啊不應該
(男)無想子女的將來
女口白：在生不能結為連理枝 希望運河永遠盼相隨
(男)愛情害妹受拖累
(女)生死猶原無分開
(男)手透著褲帶 縛妹的腳腿 跳落運河永遠作堆
(合)永遠作堆
(女)看君珠淚流滿面 阮的目屎也流盡
(男)好緣份袂透老 無啊無要緊 來去黃泉
(合)擱做堆
12.姊妹愛
作詞：陳達儒
作曲：蘇桐
姊妹迎春美麗等春夢 無疑無誤意愛同一人
今日將愛甘願對妹送 不甘耽誤小妹仔好花叢
姊妹花蕊本來同根枝 蝴蝶害人運命不公平
世間至親是阮妹甲姊 不甘害妹耽誤青春時
姊妹青春雖然無二擺 為妹害姊怎樣結將來
請你放心照阮的交代 大來讓小這是合應該
| 
日日春.jpg)