3.一通電話
作詞:黃士祐
作曲:黃士祐
細漢時妳抱咧手中的寶貝
目一暱已會曉自己飛
顧看前途,沒顧到厝後尾
疼阮的人鬢邊漸漸白
沒憂沒愁乎阮放心自由飛
挑工講妳無需要人陪
甘願中秋月自己賞自己過
寂寞自己咬惦嘴內底
有夠憨!沒體諒妳需要什貨
有夠憨!叫是賺錢就是一切
阿母啊!妳敢有人通講話
阿母啊!妳敢有人通來作陪
阿母啊!憨憨在客廳等電話
一聲貼心的關懷,勝過一切
殷望子女的一通電話
真憨慢!那會愈大愈袂曉做
貼心話!相對面煞顛倒歹勢
手機拿出,卡一通關心的電話
就算甲那短短的三兩句話
卡贏母親節的百蕊花
零二五六七八,熟識的號碼
喂~!阿母啊!妳~吃飽袂?
|