1.Intro(七年)
作詞：MastaMic
作曲：小龜@Tonick
編曲：小龜@Tonick
監製：小龜@Tonick ／ MastaMic
等咗七年等到今日 終於推出專輯
對Hip Hop嘅專一 七年從來冇變質
面對殘酷嘅現實 即使前線告急
仍踏住堅毅步伐 我百折不屈
不為得與失 不求名利同階級
只求將夢想變成事實 一切都係為咗今日
即使呢刻係末日 我嘅生命要即刻消失
死而無憾 因為我過得充實
你根本冇嘢好怕 我唔會俾Hip Hop倒下
從來冇空口講白話 行動將理念實體化
呢張專輯會傳遞信念嘅火把
我嘅血汗會燃燒青春嘅火花
當我將痛苦留俾自己 再將最好送俾你
比起偉大 我仲有遙遠距離
既然我擔起夢想嘅大旗
為咗Hip Hop同你哋 我發誓絕不放棄絕不逃避
用最自大嘅語氣講 要建立我嘅天與地
用最崇高嘅志氣講 我會Hip Hop直至死
我為香港所有Hip Hop同道感到自豪
我希望你哋為我嘅Hip Hop之路感到驕傲
台上嘅照做 台下會叫好
想建造Hip Hop樂土 唔需要樂譜
全新嘅角度 全新嘅理想國度 由你我去打造
困難永遠無法將我哋打倒
歷時七年嘗試 跌倒無限次
我再試 我知我一樣可以
終於有一次 當流行起義
流行反擊戰將會改寫香港Hip Hop歷史
| 
