9.台灣第一家鹽酥雞
作詞：武雄
作曲：Roberto
編曲：江建民
最近攏無落雨 實在乎人歡喜 看扮勢今仔一定又擱好天
傢私頭仔傳傳咧 搭著趕緊來去 緊來去佔位欲來做生意
都時機無好 四界找無頭路 只好是按呢日子加減度
有錢通賺 擱卡艱苦 嘛著來去 不管路邊還是夜市
人客啊愛啥貨請你免歹勢 價錢公道做你家己提
我有賣雞腿 嘛有雞尾椎 我就是台灣第一家的鹽酥雞
(來哦！來哦！)
人客啊愛啥貨請你免歹勢 現炸現烘的衛生攏無問題
不管配燒酒 亦是欲泡茶 吃過一擺你就是主顧客
最近景氣無好 實在真無法度 舞甲強欲起痚總賺無幾箍
社會越來越黑 暗時無人散步 三不五時擱會拄到警察伯伯
一擔彼大膽 欲走嘛走無路 去乎贓到一擺就愛千二箍
為著賺錢 激乎皮皮 嘛著來去 不管是路邊還是夜市
人客啊愛啥貨請你免歹勢 若是看到警察你得稍通知
我是做生意 無咧惹代誌 我就是台灣第一家的鹽酥雞
(來哦！來哦！)
台灣第一 台灣第一
台灣第一 台灣第一 台灣第一家的鹽酥雞
台灣第一 台灣第一 台灣第一家的鹽酥雞
台灣第一 台灣第一 台灣第一家的鹽酥雞
台灣第一 台灣第一 台灣第一家的鹽酥雞
台灣第一 台灣第一 台灣第一家的鹽酥雞
| 
