1.2039玫瑰事件
作詞：武雄
作曲：林東松
編曲：李廷匡
無人知的城市 時間是2039年
最後一叢紅色玫瑰 被人宣布無醫
消息透過電視 傳遍了所有的人類
冷靜的人忍著珠淚 激動的摔電視
有人不管伊法律的阻止 決心站街頭抗議
警方也出動直昇機 宣布最後的通知
無玫瑰 愛情只是空虛 約會已經無味
是關係全人類的危機 大家得注意保護自己
無玫瑰 愛情失去光輝 約會已經袂甜
是關係全人類的危機 今後的情愛攏是虛偽
一場緊急會議 置亞洲某一個小城市
領導的人無日無暝 達成這項協議
全面禁止談戀愛一甲子 挽救失戀的政治
緊發展算命來指揮 用科學儀器問童乩
無玫瑰 愛情只是空虛 約會已經無味
是關係全人類的危機 隨時得準備犧牲自己
無玫瑰 愛情失去光輝 約會已經袂甜
人類的心內只有蜘蛛絲 也就是世界毀滅的通知
事件發展到遮 欲聽心欲驚
所有人的心 攏失去愛情
紅色的玫瑰等無情淚 笑容已經袂開
今後的愛情攏無酸甘甜 談戀愛親像欠人會仔錢
無情的世界看無春天 失戀國的城市
城市的四界攏是蜘蛛絲 從今後一切退步三千年
| 
