心心相印(&杜平)

森森 心心相印(&杜平)專輯

1.等靚女

【原自歐西歌曲'Summer Wine'】

作曲:Lee Hazlewood
作詞:蘇翁
合唱:森森‧杜平

情人另嫁,皆因我個貓樣生得醜,
情緣盡矣,一想到心中好鬼嬲。
我要想點樣報復,揾啲女仔吼,
何妨扮作熱情,等靚女,唔!到時候。

狂人病態,因乜你好比喪家狗,
人人路過,睇到你反感兼心嬲。
你着起飛裝咁霉,點得女仔吼,
還來扮作熱情,一睇到,唔!確難受。

〔男曰〕乜我啲裝扮好失禮咩?
〔女曰〕梗係啦,頭髮長成咁,好似無錢飛髮咁呀,污糟邋遢,啲動静又乞人憎。
〔男曰〕我都話你傻嘅,華倫天奴都係咁嘅動静咋。
〔女曰〕我話你係挖爛地牢就真呀。
〔男曰〕吓!而家啲係新潮裝呀嗎。
〔女曰〕你誤解新潮呢兩個字喇,你成個都好似乞兒咁呀。

(合唱)
原來係我啲裝扮舉止不知羞,
行藏動態應端正規矩應遵守,
我决心改過正途先將身心修,
沉迷自覺回頭,莫自誤,唔!有成就。

唔!有成就。