幸福佇佗找

王俊傑 幸福佇佗找專輯

1.平安之歌

作詞:王俊傑
作曲:張瓊玉
編曲:王俊傑

世間上媠的代誌 目睭敢會當看見
世間上媠的代誌 愛用真心才會當明白
牽阮的手慢慢行 你的目睭替阮看
牽你的手慢慢行 阮的心聲唱予你聽

唱一首歌叫做平安 願這首歌永遠佮你作伴
唱一首歌叫做希望 阮的歌聲予你袂閣再孤單
阮要唱歌送予咱的囡仔 予伊毋免煩惱毋免驚
阮要唱歌送予這塊土地 大聲唱出阮心內的感謝

愛有偌深 希望就有多大 路途坎坷毋免閣再驚惶
愛有偌深 希望就有多大 平安的歌永遠唱袂煞