我庄

生祥樂隊 我庄專輯

2.課本

作詞:鍾永豐
作曲:林生祥

阿公掌牛牯 看毋到
阿嬤蓄大豬 看毋到
阿姆無日夜 看毋到
阿爸苦吞肚 看毋到
清明旱魚塘 看毋到
籲陣桍果樹 看毋到
圳溝摸螺貝 看毋到
伯公滿年福 看毋到
課本 看毋到
我庄 看毋到

國王爺上轎 看毋到
十年一大醮 看毋到
童乩劈背囊 看毋到
後生搶神轎 看毋到

楊德盛鋸弦 看毋到
山歌閙連連 看毋到
鍾寅生吹笛 看毋到
八音大團圓 看毋到
我庄 看毋到
課本 看毋到

拆做好壞班 監汝等讀
感情摝散散 監汝等讀
攀擎先生麥* 監汝等讀
講客狗牌罰 監汝等讀
讀識手指公 監汝等讀
落第腦生膿 監汝等讀
讀得落介泅過河 監汝等讀
考毋過介遰著火 監汝等讀

課本 監汝等讀
我庄 監汝等讀