4.深山的牧場
作詞：葉俊麟
作曲：佐木俊一
一片浮雲飄來飄去 留戀深山草色青
蘭花有心顯香味 麗伊呼 麗伊呼
伴伊一點好情意 嗨呼 嗨呼
一陣小羊白綿綿 聽著螺聲歡歡喜喜
麗伊呼 麗伊呼 走去牧童的身邊
枯木逢春出芽出秧 鳥隻唸歌真纏綿
嶺頂溫暖風微微 麗伊呼 麗伊呼
報人春季正當時 嗨呼 嗨呼
一台馬車叼位去 踏著綠草甘露水滴
麗伊呼 麗伊呼 駛過牧場後山邊
黃昏日頭難分難離 流著紅淚在西天
溪邊流水聲稀微 麗伊呼 麗伊呼
惜伊別離心空虛 嗨呼 嗨呼
一點燈光真幽美 親像初戀含情帶意
麗伊呼 麗伊呼 引人想起青春時
| 
