彼條路

蕭澤倫 彼條路專輯

1.出外的囡仔

作詞:蕭澤倫
作曲:蕭澤倫

﹝台語歌詞﹞
有真久毋捌轉去思念的庄腳,
險險啊昧記欲對佗落車;
摜甲大包細包,
厝邊隔壁探頭問講,
之是陀來的少年兄。

踏入去阮兜曠闊的門口埕,
親像看著阿公猶原坐值遐,
入門阿母著趕緊來檢查,
看我自頭到尾敢有去予減一仔塊肉!
我講腹肚枵甲強欲通尻脊坪,
阿爸講歸家伙仔大家攏來吃,
阿嬤講出門在外毋通濫肆吃,
阿弟仔講吃飯才是皇帝大。

我是在地的番薯仔囝,
我上愛吃阿母滾的豬腳,
細漢上愛共偷丟羨仔(芒果),
大家攏叫阮大頭囡仔!

我是無腳的布袋戲俑仔,
為著理想生活來都市打拼,
毋是阮甲意四界來走拋拋,
之是無奈現實甲勞碌的命。

台北的北風吹甲是冷閣寒,
熱天是熱甲強欲火燒山,
你若問我講愛值陀位住,
我講你斟酌聽,你斟酌聽,
我欲來去山頂飼雞仔。


有很久一段時間不曾回去那思念的鄉下,
差點都要忘了從哪下車了,
提著大包小包的,
隔壁的鄰居都交頭接耳的問道,
這是哪兒來的年輕小夥子呀!

踏入三合院前寬闊的稻埕,
好像看到爺爺仍然還坐在那板凳上,
一進門媽媽就趕快來檢查,
從頭到腳看看我是不是多少瘦了,
我說肚子都已經餓到前胸貼後背了,
爸爸說全家都準備用餐囉!
奶奶說出門在外不要胡亂吃,
弟弟說吃飯是最重要的事喲!

我是土生土長的鄉下孩子,
我最愛吃媽媽燉的豬腳,
小時候我最喜歡偷丟別人家的芒果,
大家都叫我是個搗蛋鬼。

我是缺腳的布袋戲偶,
為了理想生活來都市奮鬥,
並非我喜歡四處飄泊,
這是無奈的現實和勞碌的命。

台北的北風吹得直叫人打顫,
夏天熱得都快火燒山了,
你若問我喜歡在哪生活,
我說你仔細聽,你仔細聽,
我就想要到山上養養雞呀!