4.阿爸的話
作詞：王華
作曲：王明輝
現在有的子真是難飼 無知當有孝隔爬上天
彼那是無爽 你就勿當講伊
那無伊會應你是什麼東西 什麼東西
講到阮子實在了不起 自細漢就吵要學ＡＢＣ
作人的老爸心裡真歡喜
每晚加班來賺錢 每晚加班來賺錢
算算的補習嘛有幾呀年 卡講就是那句
I'm sorry Thank you very much Thank you very much
學校畢業就去吃頭路 一個月的薪水嘛有萬通塊
勿曾拿半仙返來倒普渡 外口隔欠卡塗塗塗
咱來問伊錢是走叼去 伊講常常去看ＭＴＶ
一齣電影就愛開百二 每晚隴看那個四五支
咱來勸伊就愛存錢 無講半句話轉頭作伊去
這款的兒子實在無藥醫 早早送去當兵卡歸去喔
退伍返來算來才一年 講彼要去日本賺大錢
叫咱着替伊來攢索費 明年講要接咱去住在一起
接咱去日本住在一起
乖子去日本已經幾個月 為何一去煞無聲無息
拜託朋友去日本四處找 硬望阮子已經是大頭家呀 大頭家
朋友返來給阮淘 伊講阮子實在是大烟頭
乎人騙去賭場四八豆 現在流浪在東京車頭
現在流浪在東京車頭
生着這款子兒真傷悲 害咱標會仔賣厝宅
歸捧拿去博九輸輸去 親像這款的新匪類
祖公仔財產卡多不夠死 祖公仔財產卡多不夠死
| 
