1.Last Christmas
作曲：ToNick．George Michael WHAM!
作詞：ToNick
編曲：Tonick
監製：趙增熹
Last Christmas 我結識咗你
And the very next day 仲借錢畀你
Friend 底 無所為幾多都畀
用八達通嘟翻屋企
翻都去 我再打畀你
你阿媽話你約咗一女仔睇戲
死仔 借我副身家睇戲
嗰刻我真心想嘟你
聖誕節大家咁開心
做得兄弟我乜都甘心
刀裡刀裡去 火裡火裡去
但一講到
還錢 就撒賴
還錢 就失蹤
Call 你 cut 我線 一嘢飛留言
你究竟去咗邊
一講到
還錢 就撒賴
還錢 就失蹤
㩒機錄卡過數 現金開支票簿 寫欠單都好
數還數路還路
Last Christmas 我一蚊到無
上 facebook 搵我 追緊個女仔傾訴
點知 佢話 No No No
女神：我約咗個靚仔睇戲
睇邊套 係咪蒼井空嗰套
佢話佢不知道 只知道不需找數
我心諗 無咁橋啩
女神：請我嗰個係你老友阿 Joe
聖誕節大家咁開心
比兄弟搵笨就怪我天真
刀裡得我去 火裡得我去
你個賤人
還錢 都無用
還錢 都有事
失咗蹤無計 呃我錢無計
朋友妻不可窺
就算你
還錢 都無用
還錢 都有事
失咗蹤成年 搵你搵成年 你究竟去咗邊
係咪要反面
(還錢 還錢 還錢)
This Christmas 你寄卡畀我
我打開一看 係張請帖喎
我崩溃 你連仔都生左
即係上年
我 wish 你
仔仔 沒籮柚
女女 講粗口
失咗蹤成年 呃我錢成年
原來去搞婚宴
豪畀你
全家 去擺酒
住洋樓 養番狗
欠債不還錢 致富的名言 幾大都借咗先
過聖誕過肥年
2.善忘哥(ToNick ＆ Masta Mic)
作曲：Siugwai ＆ HangJai @ ToNick
作詞：ToNick．Masta Mic
編曲：ToNick．
監製：ToNick．趙增熹
Masta Mic：
細個嗰時 有日有個哥哥行過
佢話要教我 做個醒目嘅細路歌 仲話第一課 事情只在乎結果
第二課就係 要活得得過且過 記住無利益嘅 (咪理咁多)
無著數嘅 (咪記咁多)
越大個就忘記得越多 直到我忘記自我
個個都叫我善忘哥
Masta Mic ＆ ToNick：
你最愛邊個 (eh 我最愛呀…嗰個好似)
你最撐邊個 (嗱 我我我…記得㗎 我記得㗎)
咁你最憎邊個 (哎…呀 我真係…)
喂 咁你你係邊一個
我就係善忘哥
七百萬個善忘哥 一講錢底線就無咗 (有錢有面仲邊使理底線)
懶理自己畀邊個恰過
今日仲喺到搏火 聽日就唔記得咗 (人大個代表無咗自我)
最尾就好似無出現過
Masta Mic：
善忘哥我最叻係忘記
尋日嘅事今日就會記唔起
唔想記 唔想理 唔使記 唔使理
總之唔想記起嘅事 我就會記唔起
你有乜記得 又 有乜唔記得
你估下善忘哥 唱善忘歌 係為乜
講講下 我連啱啱噏過乜 都唔記得
咁呢隻歌我仲唱嚟做乜
Masta Mic ＆ ToNick：
你有無開心過 (eh…)
你有無傷心過 (哎…唔好成日問呢啲啦)
咁你有無盡力過 (啊 嗰嗰次…嗰次呀 嗰…同呀…)
咁你係邊一個
我就係善忘哥
七百萬個善忘哥 一講錢底線就無咗 (有錢有面仲邊使理底線)
懶理自己畀邊個恰過
今日仲喺到搏火 聽日就唔記得咗 (人大個代表代表邊個)
最尾就好似無出現過
細細個你有無諗過想做邊個 我唔記得咗
大個咗你又點解會無火 我唔記得喎
答應過最愛嘅嘢你有無做過 我唔記得咗
瞓喺身邊嗰個又係邊個 我唔記得喎
有無諗過邊個養到你咁大個 我唔記得咗
有無試過嫌佢兩個囉唆 我唔記得喎
求求其其咁過又係咪最好過 我唔記得咗
有得揀嘅自由有無爭取過
吓 咁我咪善忘哥
七百萬個善忘哥 一講錢底線就無咗 (有錢有面仲邊使理底線)
懶理自己畀邊個搕過
今日仲喺到搏火 聽日就唔記得咗 (人大個代表唔代表我)
最尾就好似無出現過
善忘哥唱善忘歌
Masta ToNick 同你上一課
人生有太多嘢可以錯過 錯過過去嘅過錯只會越錯越多 唔記得唔代表無發生過
最錯係你 忘記 自己係邊個
3.戇男結婚了(ToNick X HardPack)
作曲：ToNick．HardPack
作詞：HangJai@ToNick
編曲：ToNick．HardPack
監製：趙增熹
各位巴打 今晚見證我兄弟
話以後睇波吹水 食飯打機都免提
佢太太扭耳仔
各位姊妹 今晚見證我兄弟
話以後 Facebook 傾偈 飲嘢出街等我嚟
佢要返歸湊仔
佢話佢發過毒誓 變心就切何B仔
每晚佢負責買餸 食飽啲碗筷佢洗
買間屋買定個舖 盤數仲畀埋佢睇
節日梗買份禮 次次新鮮兼好貴
咁嘅戇男邊豎搵
結婚影相擺酒註冊請飲
未夠皮整首歌氹佢開心
呢個戇男太好運
又有邊位好似阿嫂咁抵諗
戇男佢都啃
各位巴打 今晚見證我兄弟
話以後裝修拆櫃 鑽窿換燈膽佢嚟
電腦佢都識砌
各位姊妹 今晚見證我兄弟
話以後擔當責任 屋企嘅事等佢嚟
佢經已大個仔
佢話佢發過毒誓 變心就切何B仔
冧電無水有白蟻 實搞返好不收費
咁嘅戇男邊豎搵
結婚影相擺酒註冊請飲
未夠皮整首歌氹佢開心
呢個戇男太好運
又有邊位好似阿嫂咁抵諗
戇戇地先夠冧
Senhei：
諗返最初 傾電話傾到拍拖
喺沙灘你捉實我 我話豬我愛你
仲第一次 Kiss 咗
今晚起開始 請放心 萬大事都總會有我
幾十年失聲過 變阿公阿婆
一 定要快啲生返個細路
二 人世界去玩每年一度
衫 褲鞋物買多啲咪慳
四 拍後我哋再嚟多 Round
一 定要快啲生返個細路
二 人世界去玩每年一度
衫 褲鞋物買多啲咪慳
四 就梗係 1 2 3 4
呢個戇男無搵笨
結婚影相擺酒註冊請飲
仲要整首歌證明佢真心
一世人 結一次婚
各位親戚好友街坊與嘉賓
記得畀禮金
4.開心魔法
作詞：恆仔@ToNick
作曲：小龜@ToNick
編曲：ToNick
監製：趙增熹．ToNick
有無諗過世上有一種magic
可以令你唔洗番工搵食
啲書唔駛讀考試都會識
攣嘅野你撻下手指即刻變直
咁你到時就做乜都唔洗出力
一日到黑hea係屋企等食
咁嘅生活聽落好無敵
招積出色舒適超級超值
憎嘅野就變走佢 唔想做嘅野就由得佢
眨下眼幾十年就咁過咗去
你先發覺你需要嘅野原來好濕碎
突然好恨同你honey鬥嘴
又想一次過駛晒啲血汗錢佢
你先發覺所謂嘅魔法 變走晒你啲人生樂趣
匆匆的光陰轉眼就會消逝 有幾多青春美麗
總之乜鬼都睇化就無所謂 幾大都開心到底
你實會為哩種magic著魔
學識食極唔肥仲會靚咗
蹹句咒語就同暗戀嗰個拍拖
攤大手板啲錢任你攞
哪種法術個名叫做不勞而獲
可以令你成世人都唔駛頻撲
求求其其又混混噩噩
你得到結果未必得到快樂
匆匆的光陰轉眼就會消逝 有幾多青春美麗
總之乜鬼都睇化就無所謂 幾大都開心到底
所謂嘅magic其實有乜值得得戚
變走晒啲過程又算係乜嘢法力
好睇唔好食一文不值
如果喺個世界無留低過痕跡
好似魔術師枝魔術士的
變走咗都無人覺得可惜
匆匆的光陰轉眼就會消逝 有幾多青春美麗
總之乜鬼都睇化就無所謂 幾大都開心到底
5.Bloody Valentine
作詞：ToNick．天旋．Kiki Tam
作曲：ToNick．Vangelis
編曲：ToNick
監製：蒲吧傑．ToNick
RoAR 救命呀 無時間啦~點算呀
恐怖於這夜殺到 憂怨的惡夢劫數
都會於這夜碰到 DeadLine 將至今次點好
花上年已經買過 鍊手腳頸都送過 袋屋企有幾百個
親手整嘢我又衰左
即刻撲落街搵格仔鋪
搵唔到 揀唔到 買唔到 送咩都好似好老土
一於再用手機上淘寶
搵得到 揀得到 買唔到 寄到來要過兩日到
今晚究竟應該點做 再度唔掂注定掟煲
心諗要食餐好當補數
西餐感覺又太CHOK 中餐好似懶愛國 親手煮買料缺貨
打冷小菜你實扯火
燭光晚飯彷彿似圈套
一個包 一碗湯 一塊扒 一樣嘅餸貴十倍到
揀啱嘢食位都BOOK唔到
走廊位 廁所位 都無位 部長勸我打包翻歸
今晚到底應該點做 再度唔掂我就著草
一於再肉緊啲再用腦
情人節點好 其實我諗到
我已經諗到 我心中有數
每四年搞一次 咁好似幾得意
每四年搞一次 大家輕鬆啲
隔四年搞一次 咁先至多新意
八年先搞兩次 更珍惜心意
鬧交都少啲 耐啲先一次 係會盡情啲
諗唔到 諗唔到 諗唔到
諗埋啲屎橋搏大霧
諗唔到 諗唔到 諗唔到
送條毛好過乜都冇
諗唔到 諗唔到 諗唔到
講到尾你對我唔好諗唔到
諗唔到 諗唔到 諗唔到
小寶貝你拭乾眼淚 歸根究底我係最衰
這首輓歌一生唱下去
6.水滾茶靚
作詞：恆仔@ ToNick
作曲：恆仔@ ToNick
編曲：ToNick
監製：Kolor．ToNick
水滾茶靚 又夠鐘開檯食嘢 食到開心笑騎騎
坐低傾計喫飯傷心失意全部要借歪
放低手機咪做嘢 放心即管響度hea
坐低一家大細飲飽食醉咁樣先最正
香港地點解咁古怪 個個都辛苦搏命捱
無乜幾何會坐埋 日做夜做勁dry
拿咪怕醜啦起筷 有腸粉蝦餃燒賣
唔夠即管繼續嗌 有淨就打包咪嘥
(爸爸食飯 媽媽食飯 公公食飯 婆婆食飯)
難得咁”橋”咁齊人 有咩苦水即管呻
記住過年齊人正野就發生
水滾茶靚 嗌到一檯都係嘢 食到開心笑騎騎
坐低傾計喫飯傷心失意全部要借歪
放低手機咪做嘢 放心即管響度hea
坐低一家大細飲飽食醉咁樣先最正
香港地點解咁古怪 見嘢有新款出就買
見有隊我地就排 有理無理勁踩
好彩當我有不快 糯米雞粉果食晒
我馬拉糕都會趙埋 歎夠儲夠電又再try
(爸爸食飯 媽媽食飯 公公食飯 婆婆食飯
哥哥食飯 姐姐食飯 弟弟食飯 妹妹食飯)
聯黨結隊我地成群 約係呢庶”捆”一”捆”
萬大事有我地撐 仲幫你啃
水滾茶靚 又夠鐘開檯食嘢 食到開心笑騎騎
有班街坊伙計死黨繼續嚟落雨擔遮
有信心你就會贏 有心想就會事成
坐低一家大細飲飽食醉咁樣先最正
| 
