1.將阮愛一半
作詞：郭之儀
作曲：郭之儀
電話無人聽 憨神一直卡
聽講你有一個新女伴 已經半年外
情字為你寫 情批一直寄
才知舊情綿綿的老宿舍 如今已經無人住
你哪通忍心將阮愛一半 外面擱找一個伴
甘願為你守著日日夜夜 你放阮過甲孤孤單單
你哪通忍心將阮愛一半 愛來愛去心虛花
既然誓言變成空白紙 從今以後 麥擱叫阮的名
2.女人的願望
作詞：陳偉強
作曲：陳偉強
天未光 就要起床
為一家 早早出門
心愛的伊躺底眠床
心肝的寶貝一一睏
阮就感覺 幸福甲有剩
青春夢 收起來放
放蕩心 沒阮的份
頭鬃的紅花漸漸黃
鏡中的臉漸漸必巡
恁那快樂 對阮來講就是幸福幸運
女人的願望 誰人看 誰人問
阮的期待就親像天頂的彩雲
憨憨啊等黃昏
女人的願望 無人管 無人問
只要厝裡底歡喜平安過日
甘願來犧牲付出青春
3.情若放(feat.林俊吉)
作詞：陳偉強
作曲：陳偉強
編曲：高立碩
(女) 寒風刺骨凍心肝 心若畏寒誰人偎
(女) 愛若起變化 親像手中沙 甘講要認命
(男) 愛妳疼妳那性命 用阮一生來替換
(男) 妳那狠心放 絕情無底看 留戀也是無卡詛
(合) 情若放 啊~~愛就愛恨就恨何必擱拖沙
(女) 一句無心無意的咒誓
(合) 害阮一生拖磨
(合) 情若煞 啊~~是不是就應該放棄這戀夢
(男) 這條有緣無份的感情線
(合) 不願繼續 只有趁早看破
4.一筆勾銷
作詞：郭之儀
作曲：郭之儀
甘講前世人的情債 亦擱還不夠
才用這世人的青春 欲來乎你找
百般的煎熬 換來無情的苦惱
情到最後 敗在你的手頭
你的花心免不了 阮的痴心苦袂了
你的風流改袂掉 不如一切隨風飄
愛恨一筆勾銷 擱再傷心無需要
你的瀟灑請你帶走 找無理由將你留
愛恨一筆勾銷 有情的人擱奮鬥
前世有緣的人 今生情未了
5.愛甲心痛
作詞：蔡宜汝
作曲：蔡明勳
思念 是你乎我的痛
悲傷的情歌 唱出阮心晟
哀怨的歌聲 一聲一聲
當初甜蜜的咒詛 如今像白紙
愛你愛甲心疼痛 夜夜為你心牽掛
眼屎流乾無卡詛 真心變成手中沙
想你想甲心攏破 千刀萬割的折磨
望你將阮疼入心肝 嘸通放阮 孤孤單單
愛情悲歌 為何越唱越畏寒
山盟海誓攏是拖磨
情路這歹走 無依無偎
6.逗陣唸歌(feat.蘇振華)
作詞：郭之儀
作曲：郭之儀
編曲：尤景仰
女：夜半落雨聲 催人心痛
樹林內鳥只找無娘
男：出外討生活 風雨也得走
回航的船隻找無岸
幸運有你的陪伴
女：咱有緣逗陣行
合：珍惜每分每秒每一夜
女：啊 逗陣念歌
男：歌中有你有我
女：咱像生命中
男：每一支番仔火啊
合：只要心連心連成了萬里長城
女：無論風外大
合：熱情火打袂熄
女：啊 逗陣念歌
男：歌中有淚有汗
女：唱出生命中
男：每一份感恩感謝
合：只要手牽手 愛需要勇氣甲憨膽
因為天公伯啊 疼憨子
7.女人花
作詞：郭之儀
作曲：郭之儀
一枝草 一點露 花凋謝落土
女人青春若落葉 望君要珍惜
愛搭纏 嘸願放 情拖一世人
夢中等待彼個人 放阮孤單守空房
女人花 在風中為你日曬風吹
女人花 只為你紅艷美麗
如今你來反悔 違背山盟甲海誓
啊~~原來你是風塵的過客
女人花 在夢中為你夜夜走找
女人花 啊~~為情為愛癡迷
如今才來覺醒 已經風吹雨過
啊~~女人青春不再回
8.為情飛．為愛走找(feat.莊振凱)
作詞：郭之儀
作曲：郭之儀
(女) 無憂無愁 你牽著阮的手
(女) 遊山玩水 若快樂水鴛鴦
(女) 有人欣羨 講咱好親像 天頂的星甲月娘
(男) 無牽無掛 散步在淡水的海岸
(男) 黃昏彩霞 照著咱的形影
(男) 有妳作伴 阮不再孤單 因為甲天借膽 阮變成小飛俠
(男) 為情飛飛飛 一心為愛走找
(女) 想欲做做做 你的心肝寶貝
(男) 甘願為妳赴湯蹈火
(女) 為你不惜一切
(合) 為你嘸驚三長兩短
(男) 為情飛飛飛 一心為愛走找
(女) 想欲做做做 你的美麗賢妻
(男) 甘願為妳守著山盟
(女) 為你守著海誓
(齊) 今生今世只愛你一個
9.女兒心
作詞：郭之儀
作曲：郭之儀
編曲：尤景仰
風塊吹 雨塊飛
出外打拼的人
會記媽媽交代的話
為了咱序細 煩惱東煩惱西
為了咱娶嫁 伊陪阮等待又等待
望早日找到一個好尪婿
手結著紅線 花轎要起行
阮拜別感謝鄉親甲序大
手牽著紅線 心依依難捨
阮嘸甘父母眼內彼滴汗
10.為你唱情歌
作詞：蔡宜汝
作曲：張雲心
熱天日炎怕阮熱 為阮搧風滿頭汗
冬天雨冷怕阮寒 為阮蓋被遮風寒
騎著你的腳踏車 載阮遊覽四界走
阮若腳酸你揹我 日出日落黏相偎
我要為你唱情歌 歌詞攏是你的名
感謝一路陪伴我 將阮當作你心肝
我要為你唱情歌 生生世世永遠袂變掛
| 
