1.畫眉
作詞：路寒袖
作曲：詹宏達
天星伐過小山溝
伊的影綴著泉水流
流到咱兜的門腳口
咱捧著星光林落喉
阿 冰冰涼涼感情相透
雲為山咧畫目眉
有時淺淺有時厚厚
雲雖然定定真賢走
山永遠佇遐咧等待
啊 兩的註定作伙到老
我是雲 汝就是 汝就是彼座山
顧著汝驚汝受風寒
我畫目眉汝斟酌看
逐筆攏是海礁石爛
啊 一生汝是 汝是我的心肝
2.山路
作詞：路寒袖
作曲：詹宏達
爬崎的山路，彎彎閣翹翹
盤佇山坡，盤佇咱的心頭
汝的情牽著我的愛
我的愛牽著咱的將來
咱勻勻啊行來山頂看大海
寂靜的山路，雙邊相思栽
栽佇心內，栽佇眼前世界
山頂生活無啥感慨
干礁聽到咱喘氣的愛
咱勻勻啊行來山頂看大海
山路啊山路
越過來聽到風
山路啊山路
越過去看到雲
野草含著露水
像雲遐呢厚
濕入夢中，濕入夢中
夢浮上山的肩胛頭
3.思念二千公尺
作詞：路寒袖
作曲：詹宏達
汝我住佇二千公尺的高山
逐工佮雲咧相看
定定有霧來靠岸
雙儂佇遐坐歸工
鳥隻嘛(勿會)甲咱趕
生活過了真簡單
思念親像二千公尺的高山
我佇都市真孤單
雖然胭脂作伴
汝佇山頂等天暗
央望時間像噴泉
生活過了真艱難
是按怎，是按怎
到底是按怎
風那會將咱吹散
一個做山，一個做苦旦
4.人生露水
作詞：路寒袖
作曲：詹宏達
春天對山的身邊行過
透早的第一滴露水
滴落，滴落
滴落無聲的土地
昨暗咱咧烘的火
恬恬蹲佇烘爐底
咱含苞的希望
迸破冬天的霜雪
佇樹仔尾咧開花
春天對山的身邊行過
透早的第一滴露水
滴落，滴落
滴落無聲的土地
時間無影欲佗揣
人生露水一去無回
徛佇春天的路尾
洶洶理想挽一枒
插上咱的心肝底
| 
