4.台灣思想起
作詞：陳永明／白雪嬅_詞：河洛歌仔戲提供
作曲：都馬調
唉呦～唉呦呀～喂 我來唱 這首歌 乎恁聽
思想起 咱祖先過海來台灣 前途茫茫 經過黑水溝 海湧重重
萬分的困難 無論是成是敗 慇決心不復還
會死願作台灣鬼 若會活嘛要作勇敢的台灣人
祈求公媽有三項 開荒順利好收冬
子孫合和相痛疼 平平安安才會大帆
不驚風颱甲地動～ 不驚野獸甲毒蟲～
認真經營有央望 代代添丁出賢人
思想起 咱歷盡蒼桑的台灣 親像一場夢
經過荷蘭 日本的統治 為著要生存 自由民主咱受盡困難
過去種種的難關 有今日著感謝 眾神的幫忙
祈求觀音媽有三項 開荒順利好收冬
子孫合和相痛疼 平平安安才會大帆
不驚風颱甲地動～ 不驚野獸甲毒蟲～
認真經營有央望 代代添丁出賢人
認真經營有央望喔 代代添丁出賢人
| 
