12.長征
作詞：李坤城／古秀如
作曲：羅大佑
若是阮唱歌汝斟酌來聽 閒閒攏過來互相依倚
良心和尊嚴稱斤在拼 這款的世界按作趁食
紅燈青影內有刀光劍影 兼紅包替人黑白收驚
開闊的前門無法度行 原來是關係擋在門埕
為何我抬頭看無正義 為何我步步踏著空虛
長征的生活如何落去 到底是誰人無法無天
有一款美麗的新世紀 定定會出現阮枕邊
無定是自由飛來飛去 有時會大聲喊出自己
雖然世間四界攏是規距 抱著驚惶來等待天機
坎坷的路途欲行佗去 不管被拒絕也免放棄
為何我回頭看無過去 為何我步步踏著空虛
長征的故鄉如何轉去 到底是甚人無法無天
有一款美麗的新世紀 定定會出現阮枕邊
無定是自由飛來飛去 有時會大聲喊出自己
雖然世間四界攏是規距 抱著驚惶來等待天機
坎坷的路途欲行佗去 不管被拒絕也免放棄
一絲絲希望一絲堅持 一點點光明嘛著歡喜
長征的心情如何煞去 愛靠著甚人挽回春天
芳芬的土地猶原的夢 故鄉的等待親切的人
長征的真情永遠相同 甚款的天賜甚款的人
| 
