7.四句聯
作詞：阿錡
作曲：蕭進惠
上有學問四句連 七字好話咱來練 好話祝福好姻緣 新娘生美子婿煙
吉日良時結親晟 兩府合婚咱通請 新郎生好做正正 新娘黏咪做阿娘
(口白)担咱酒杯 加捧高高 乎新娘生 立法委員 喜酒千杯 加飲乎乾 通乎新郎 早做阿爸
第一歡喜新親家 一邊娶某一邊嫁 至親好友來做客 捧杯祝福咱大家
新婚好話繼續講 親家趕緊做阿公 上介好漢是新郎 欲生雙生有妥當
(口白)甜茶甜甜 燒酒淀淀 早生貴子 做伙過年 好酒好菜 好子好婿 生子生孫 出好人才
金言玉語鬥四句 好某嫁著好丈夫 好話欲講還擱有 恩恩愛愛長又久
新娘入門日日春 滴蔭子婿事業順 祝因好竹出好筍 祝咱大家好年運
(口白)百年好合 永浴愛河 鬥四句連 大家祝賀 新娘入門 招財進寶 咱飲喜酒 上第一好
| 
